ලොවට හොරෙන් ඔබටත් හොරෙන්ම මම මේ හිත පිදුවා ඔහුගේ නාමෙට
මටවත් නොදැනිම ටික ටික ලියලුණු කුළුදුල් ආලය ඇත අඩමානෙට
ඔහුත් ඔබත් එක ලෝකෙක සිටියත් මක් කරම්ද මගෙ තහනම් ප්‍රේමෙට
ඔබගෙන් උදුරා ගමි මම ඔහු අද සමාවෙන්න මිතුරිය මගෙ වරදට
ආදරයේ අර්ථය විමසන්නට ඔබ ඔහු එක මග පිය මැන්නා
එනමුදු ඔහු හිමි ඔබ හට නොව මට නිසාම ඔහු මා එක් වූවා
වරද ඔබේ නොව වරද අපේ නොව කාලය එය විසදුව හින්දා
නිහඬව ඔබ දුක වාවා ගනු මැන ඔහුගේ හද හිමි මටම නිසා
ඔහු මට පෙර ඔබ හට හමු වූ වග නැවත නැවත මට කියනු එපා
දෙහදක ප්‍රේමය මා බිඳලූ බව පවසා මා හඬවන්න එපා
ඔහු ඔබගෙන් ලද ආදර සැමරුම් අතීතයට මුසු කරපු නිසා
නුඹෙ කඳුලට ඉඩ දී යන්නම් ඔහු මා කැන්ඳාගෙන යන හින්දා
-යශෝධා අධිකාරි-
No comments:
Post a Comment