කවි ලියන ඇඟිලි තුඩු සියුම් සම මත අඳින
බලි කුරුටු මියන කල් සුෂුම්නාවෙන් මිදෙනකන්
ආදරෙයි ඔහු ආදරෙයි
ඇවිද ගිය දුර ගෙවා නැවත ආපසු ඇවිත්
රසය පුන පුනා විද වාශ්පත් හිඳෙන තෙක්
ආදරෙයි ඔහු ආදරෙයි
හදවතේ ආදරය ගතින් නොව සිතින් බව
කියා වද කරනකන් ප්‍රතික්ෂේපම කරනකන්
ආදරෙයි ඔහු ආදරෙයි
හීන දුන් කඩුපුලට සිහින් පිනි වැටෙනකන්
චන්න එලියට දිලෙනකන් සුවඳ හුරු බව දැනෙනකන්
ආදරෙයි ඔහු ආදරෙයි
සුවද සෙපාලිකා මල් මත ඉර උදාවට සුවඳ මියෙනා
බවක් දැනගන්න තෙක් දුන්න දිවුරුම් බිදෙනකන්
ආදරෙයි ඔහු ආදරෙයි
කවි ලියන ඇගිලි තුඩු ගෙවෙනකන් හිත පිරිමදිනකන්
නුඹේ වචනයට පෙම් බැඳි හිත නුඹට වස් තියනකන්
ආදරෙයි මම ආදරෙයි
-යශෝධා අධිකාරි-
No comments:
Post a Comment